Ons is opgewonde om aan te kondig dat Huis Horison se Kermis Saterdag 2 November 2024 weer plaasvind op ons terrein in Onder Papegaaiberg, vanaf 09:00 – 13:00.
Die Kermis is ‘n heerlike dag vir die familie, en moenie misgeloop word nie.
Dinge om na uit te sien:
Die Horison Challenge veldwedloop (“Trail Run”) skop al vroeg af met drie afstande, +-3km, +-5km en +-10km. Vooraf inskrywings sluit 29 Oktober en laat inskrywings sal op die dag geneem word vanaf 06h00. Skryf nou in op Entry Ninja, of, Skryf in op ons webwerf.
König Koffie sal van vroeg af hier wees om vir ons heerlike koffie, cuppacinos en meer te maak.
Kom neem deel aan die Potjiekoskompetisie, en beïndruk die beoordeelaars met jou wenner potjie! R300 per potjie. Skryf in op ons Webwerf..
Vir die motor liefhebbers, sal daar hierdie jaar ‘n verskeidenheid Antieke Motors uitgestal word.
Gratis toegang
Snapscan en kaartfasiliteite sal beskikbaar wees. Navrae vir Elzabi op (021) 887 5080 of e-pos bemarkingadmin@huishorison.org.za.
Is jou program net te besig?
Ons weet almal is besig! Indien u nie die kermis kan bywoon nie, oorweeg dit asseblief om ons te ondersteun deur ‘n donasie te maak van u keuse. Kliek hier om 'n donasie te maak.
Skenking van goedere
Neem asb kennis dat indien u op die dag voorbereide goedere wil aflaai (bv.) koeke, ens.), meld asb by die Inligting stalletjie aan, waar u gehelp sal word.
Ons benodig ook verskeie items en bestanddele vir die kermis self, en sal vooraf enige skenkings hiervoor waardeer:
- Suiker
- Meel
- Eiers
- Suurlemoensap
- Margarien
- Botter
- Kondensmelk
- Blatjang
- Tamatie sous
- Vla (langlewe)
- Jelly
- Ideal Melk
- Fyn Kaneel
- Olie
- Peppermint crisp sjokolade
- Tennisbeskuit
- Vanilla Essence/Geursel
- Servette (wit, rooi, groen, of goud)
- Bakpoeier
Skenkings soos gelys is ook welkom:
- Boeke
- Plante
- Koeke
- Klere
If you would like to come and help as a volunteer on the day, please contact Le Roux at projekte@huishorison.org.za
