Verskeie projekte vorm sosiale hoogtepunte op ons jaarkalender en help ons om ekstra inkomstestrome te skep.

Ons jaarlikse Somerkermis is 'n hoogtepunt op ons sosiale kalender. Ons bied ook ander fondsinsamelings geleenthede aan, moenie ons jaarlikse Gholfdag en Rolbaldag misloop nie.

Kom en bring 'n vriend/vriendin saam en help om 'n goeie saak te ondersteun.

As jy nie een van ons funksies kan bywoon nie, oorweeg dit om 'n skenking te maak of borg ons, of wees 'n vrywilliger om ons te help met voorbereidings.

Kontak ons gerus vir meer inligting oor hoe om betrokke te raak projekte@huishorison.org.za

Teetuin@Die Studio

Elke maand bied ons 'n Teetuin aan in ons lieflike Studio, waar inwoners, familielede en vriende saam kuier oor 'n koppie tee en heerlike tuisgebakte geregte. Besprekings is noodsaaklik.

Datums vir 2020 sal binnekort bevestig word

Vier die Lewe Ete

'n Groep van die land se voorste en bekroonde sjefs Grégory Czarnecki (Waterkloof Restaurant), Michael Degg (Cavalli), Michelle Theron (Avant Garde op Hazendal), Maritz Jacobs (Longridge Restaurant), Kyle Burns (Jordan Restaurant), het in 2019 saamgespan om 'n oortreffende eetervaring te skep vir 'n beperkte groep gaste. Hulle skenk hul tyd, bestanddele en maak hul restaurante beskikbaar ter ondersteuning van Huis Horison.

Met geregte wat aangevul word met die beste wyne uit die Stellenbosch-distrik, en musiek deur talentvolle plaaslike musikante, is dit elke jaar 'n onvergeetlike ervaring.

Die ete vind plaas in Augustus 2020.

Kaalvoet Rolbal Kompetisie

Huis Horison se kaalvoet Rolbal kompetisie is nou in sy vyfde jaar, en is 'n heerlike samekoms vir vriende, of 'n perfekte jaareindfunksie vir kollegas.

Kom deel in die pret, waar korporatiewe spanne kompeteer vir die titel! Prys vir die bes geklede span word ook op die spel gesit!

VRYDAG 20 NOVEMBER 2020 vanaf 16:30 by Van der Stel Rolbalklub, Stellenbosch.

Sien jou daar!

Somerkermis

Ons jaarlikse Kermis vind tradisioneel plaas op die eerste Saterdag van November.

Die ouers en vriende van ons inwoners sowel as die breë publiek word uitgenooi om ons te besoek en hierdie lekker gesinsoggend te kom en geniet!

Handgemaakte produkte uit ons werkareas word aangebied: kuns, bakkery, houtwerk, naaldwerk, (bv. versierde dekens kussingoortreksels, ens.), brei en verversings. Daar is ook tradisionele kosstalletjies, ons bekende boekverkoping, en 'n wedloop vir die avontuurlustige!

SATERDAG 7 NOVEMBER from 09:00 by die sentrum. Moet dit nie misloop nie!

Gholfdag

Huis Horison se Gholfdag het 'n hoogtepunt op die jaarlikse gholfkalender geword. Hierdie fondsinsameling word aangebied deur Stellenbosch Gholfklub en is 'n fantastiese dag uit. Mededingende en sosiale spelers kan 'n dag van gholf, natgate en die halfweg huis geniet en 'n aandfunksie om dit af te rond, terwyl hulle 'n waardige saak ondersteun.

Stoor die datum vir DONDERDAG 12 MAART 2020. Afslaantye vanaf 11:30 - 14:00 op die Stellenbosch Gholfbaan.