Tuin en Terreindienste

Hierdie groep, met liefde bekend as die "Green Team", is voortdurend besig in die tuine en oor die landgoed, en neem verantwoordelikheid vir alle aspekte van die tuine en terrein rondom die Sentrum.

Hulle onderhou bestaande plante, beddings en grasperke, plant nuwe plante vir almal se plesier.

Hierdie span is ook betrokke by die produsering van die hout "chips". Met die omheining rondom die eiendom wat in 2023 voltooi is, kan ons nou fokus op die ontwikkeling van die 14.18Ha tot voordeel van al ons inwoners en dagwerkers. Ons doel is om dit meer toeganklik te maak met die uitbreiding van wandelpaaie, maar die eerste stap is die verwydering van uitheemse plantegroei en die ontwikkeling van 'n meesterplan vir die eiendom.

In 2023 het ons reeds baie uitheemse plantegroei en 'n groot ry uitheemse bome verwyder, wat dan in houtsplinters verwerk word. Hierdie "chips" is ideaal vir gebruik op stappaaie en op plantbeddings, wat help om die vog in te hou en die mikro-organismes in die grond te beskerm. Hulle is te koop in 50dm3 vir die algemene publiek via ons webwinkel.

Hierdie werksarea is ook verantwoordelik vir die verbouing van kompos van tuinuitknipsels en groen kombuisafval. Die kompos word op sy beurt gebruik om die grond in en om die Sentrum se tuine te bemes en baie kosbare fondse te spaar wanneer ons dit nie hoef in te koop nie.