Verskeidenheid werkareas
Die inwoners sluit aan by een van 11 werkareas, gebasseer op hul vlak van funksionering asook hul belangstellings. Hierdie werkareas bied terapeutiese waarde saam met al die voordele van 'n normale werk – diensbaarheid, erkenning, trots, selfbeeld, geselskap, lewenskwaliteit en hoop.
Intellektueel gestremde dagwerkers uit die omgewing sluit ook by die spanne aan. Die werkdag begin om 09:00 en eindig om 16:30, en dit sluit etes en teetye in. Die dienste en produkte wat verkoop word, lewer 'n belangrike inkomstestroom vir Huis Horison en sy inwoners.
Opleiding
Alle werkareaspanne word deurlopend opgelei om take van die afdeling, maar ook algemene lewensvaardighede, onafhanklik te kan hanteer.
Eksterne werk
Van die inwoners word by ondernemings in die omgewing geplaas waar hulle werk.
