Die kombuis is die hart van die sentrum en speel 'n belangrike rol in die dagprogram en veral die welstand van ons inwoners en dagwerkers.
Die kombuis bedien drie maaltye per dag, asook teetye vir inwoners, dagwerkers en personeel.
Die span berei maaltye vir die inwoners en personeel voor, en het die verantwoordelikheid om die kombuis en eetkamer skoon en netjies te hou. Hulle ondergaan ook opleiding om verversings vir vergaderings en interne funksies of spyseniering voor te berei.
Slaai en groente uit die tuine word altyd verwelkom in die kombuis wanneer maaltye voorberei word, en die organiese oorskiet uit die kombuis word in kompos omgeskakel wat om sy beurt weer in ons eko-bewustheid inskakel.
