Description
Begintyd:
Enige tyd van vroeg af soos nodig om betyds te wees vir beoordeling. Hier is mense op die perseel van 06:00. Ons het beperkte parkeerplek binne, maar elke span kan 1 motor op perseel parkeer so beste as julle kan saamry.
Die volgende word verskaf aan elke span:
- 1 tafel met stoele vir deelnemers, onder ‘n gazebo.
- 1 Sak hout, firelighters en vuurhoutjies. Deelneemers moet hul eie vuur aansteek.
- 1 bottel wyn.
Versier gerus jul tafel area soos jul wil!
Vir die pot:
- Bring eie potjie (size 3 of 4)
- Ten minste 1 porsie vir beoordeling, en 8 porsies moet beskikbaar wees vir verkoop asb.
- Rys sal verskaf word, maar deelnemers is ook welkom om hul eie rys te maak/bring
- Bakkies, servette, messe en vurke sal verskaf word vir etes wat verkoop word.
- Die potjie convenors is Jannie Smith en André Smit, wat op die dag help, bestellings neem en etes verkoop. Vra hul gerus indien jul iets benodig.
- Bring asb eie toerusting vir voorbereiding en opskep.
Vir die beoordeling:
- Punte sal toegeken word vir die voorkoms van jul potjie (in die pot) en rangskikking op die bord (plating).
- Het ’n bord, mes en vurk asb. beskikbaar waaruit die beoordeelaar kan proe.
- Beoordelingtyd sal geskied tussen 12:00 en 12:30. Ons sal teen Vrydag 6 Nov julle beoordelingstyd bevestig. Sodra jul bord beoordeel is, kan julle maar opskep vir diegene wat kaartjies gekoop het.
